توّكـ صغيرهـ وابتديتي تحبين
من علّمكـ ليل السهر ياصغيرهـ ..؟
بدري عليكـ العشق يابنت هاللحين
حرامـ هذا القلب وشهو مصيرهـ ..؟
انتي بريئه في الهوا ليه تشقين ؟
دروبه طوال ٍ عليكـ وعسيرهـ
رحتي بدرب ٍ ماله اصلا ً عناوين
وانتي مشاويركـ من اول قصيرهـ
ياطفلة ٍ حبّت وراحت على وين ..؟
عقب الهنا ذقتي الحياهـ المريرهـ
وينك ووين الحب والشوق والبين ..؟
عنّيتي عيونك وصرتي سهيرهـ
امحق تسلّي كان ودّكـ تسلّين
الورد لولا اللّون وشهو عبيرهـ ..؟
خلّيتي دروسكـ وصرتي تحاتين
الدرس في ديرهـ وصرتي بديرهـ
وصرتي بعد من غير هذا تغارين
والمشكله يابنت منتي خبيرهـ
نصيحتي لكـ كان ودّكـ تردين
يمـ السعادهـ والحياهـ المثيرهـ
خلّكـ بجو العايله لا تعدّين
ماما وبابا والعجوز الضريرهـ
شيبانكـ اللّي مايبونكـ تعانين
من بينهمـ عشتي كأنـّكـ أميرهـ